Vitamina D ndihmon në rregullimin e prodhimit të qelizave të kuqe të gjakut përmes ndikimit që ka mbi hormonin eritropoietinë, i cili stimulon palcën e eshtrave të prodhojë eritrocite. Mungesa e saj mund të çojë në prodhim më të ulët të qelizave të kuqe ose në inflamacion kronik, i cili ndikon negativisht në hemoglobinë. Ka studime që tregojnë se personat me nivele të ulëta të vitaminës D shpesh kanë më shumë gjasa të kenë edhe anemi nga mungesa e hekurit apo anemi kronike inflamatore.

Çfarë duhet të dini

Jo çdo anemi shkaktohet nga mungesa e vitaminës D. Shkaqet më të zakonshme janë mungesa e hekurit, vitaminës B12 ose acidi folik, humbja e gjakut, apo sëmundje të tjera kronike. Një nivel i ulët i vitaminës D mund ta përkeqësojë një anemi ekzistuese ose ta bëjë më të vështirë trajtimin. Në Avicena KS mund të bëni një kontroll të plotë laboratorik, që përfshin matjen e vitaminës D, hekurit, ferritinës dhe hemoglobinës.